Maiores de Lousame aprenden a facer xestións nos caixeiros de forma fácil e segura

18 Xuño 2024

A Casa do Concello de Lousame acolleu este martes 18 pola mañá a sesión de formación Operativa de caixeiros e prevención da fraude e ciberseguridade, impartida por persoal de Abanca e enmarcada no seu Programa de Educación Financeira, que ten como obxectivo “mellorar a inclusión financeira da poboación que vive no rural”.

Foi unha actividade gratuíta na que participaron media ducia de maiores do municipio, acompañados pola concelleira de Servizos Sociais, Silvia Agrafojo, e polo concelleiro de Obras, Ramón Martínez.

A formación incluíu unha primeira parte teórica no salón de plenos municipal, durante a cal o técnico de Abanca informou aos presentes sobre como actuar para protexer os seus datos persoais para evitar fraudes e estafas, ademais de entregarlles material informativo sobre a cuestión.

Acto seguido, os maiores saíron á entrada da Casa Consistorial, onde está instalado o caixeiro automático da dita entidade financeira, e sobre o que aprenderon as múltiples xestións que se poden facer nel sen ter que desprazárense ata unha oficina e dunha forma totalmente segura.

A concelleira Silvia Agrafojo agradeceu a Abanca a realización desta actividade pois “serviu para ofrecer aos nosos maiores unha visión completa de como funciona o caixeiro, cales son as operacións máis habituais que se pode realizar nel e mostrarlles o sinxelo e seguro que resulta a través dunha demostración práctica no propio caixeiro”.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...