Francisco Suárez-Puerta asistiu á III xuntanza de coordinación da Policía Nacional e Local de Galicia

18 Xuño 2024

O segundo tenente de alcalde de Ribeira, Francisco Suárez-Puerta, acudiu este luns 17 de xuño á III xuntanza de coordinación para intensificar a coordinación a Policía Nacional e a Policía Local na nosa Comunidade, unha reunión na que tamén participaron delegado do Goberno en Galicia, Pedro Blanco; a subdelegada do Goberno na Coruña, María Rivas, así como, a concelleira de Seguridade do Concello de Ferrol, Carmen Pieltain Fernández.

Segundo informou a Xefatura Superior de Policía de Galicia nun comunicado, no encontro analizouse o cumprimento dos obxectivos marcados no semestre anterior e determináronse novas metas comúns para os próximos meses.

Unha vez máis, esta reunión levouse a cabo no Pazo de Mariñán, en Bergondo (A Coruña), e contou coa presenza dos responsábeis de operativos da Policía Nacional e das distintas policías locais da Coruña, Lugo, Ourense, Pontevedra, Santiago, Ferrol, Narón, Vigo, Monforte de Lemos ́, Marín e Ribeira.

No transcurso da mesma, analizáronse os datos estatísticos de criminalidade, as diferentes modalidades delituosas, e tratáronse temas como a operación verán, a delincuencia itinerante, UFAM e outras cuestións de interese. Todo iso coa intención de prestar unha mellor atención á cidadanía, realizando unha operativa conxunta que busca a mellora continua neste senso.

O delegado do Goberno en Galicia, Pedro Branco, agradeceu na xornada de traballo “o esforzo e o traballo que estes corpos de seguridade fan a diario polo benestar social e valorou a súa estreita colaboración en favor da convivencia”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.