O Concello de Outes e o Real Club Deportivo da Coruña presentaron a terceira edición do Depor Campus de Outes, unha iniciativa de formación e lecer deportivo na que nenas e nenos do concello poderán avanzar nas súas habilitades futbolísticas da man dos instrutores da entidade coruñesa en tódalas súas actividades. O Depor Campus de Outes (Campus Cabreiroá) desenvolverase este mes de xuño, entre os días 24 e 28, en horario de mañá. O prazo de inscricións remata este martes 18 de xuño ás 14.00 horas. As persoas interesadas en participar teñen toda a información que precisan na web do Depor Campus. Este programa de formación deportiva estival tamén está previsto que se leve a cabo en Boiro entre o 15 e o 19 de xuño, coa colaboración da emresa JEALSA.
