A Policía Nacional detivo a un home como presunto responsable dunha serie de incendios que afectaron a unha decena de contedores de lixo en Ribeira durante a pasada madrugada e do que informamos en “obarbanza.gal“
A chamada inicial alertaba dun lume que estaba a afectar a catro dispositivos na rúa Fontenova, nas proximidades do colexio Sagrado Corazón. O segundo aviso alertou do incendio que calcinou tres colectores na praia da Ameixida, a uns 200 metros da primeira incidencia, dous próximos á caseta de socorrismo e outro onde o bar da praia. Ademais, a Policía Nacional alertou dun novo incendio na praia de Area Secada, o cal xa fora extinguido por dito corpo de seguridade
Os axentes da Policía Nacional e a Policía Local non tiveron dúbidas sobre a intencionalidade dos incendios, polo que procederon á localización e posterior detención dun home como posible autor.
