De Ste Xeito Producións vai levar a a Catoira a súa comedia “violeta” Feminíssimas, escrita pola dramaturga e actriz rianxeira Esther F. Carrodeguas e dirixida por Xavier Castiñeira. Será no Auditorio Municipal de Catoira, o venres 28 de xuño a partir das 21.00 horas, con entrada gratuíta. Este evento, destinado a maiores de 12 anos, forma parte da programación do Mes do Orgullo 2024 deste municipio. A peza sitúanos nun congreso feminista na cidade de Vigo, ante tres amigas da adolescencia que fai anos que non se ven… con 3 maneiras ben distintas de entender o feminismo. Este é o punto de partida desta creación teatral con altas doses de humor, ironía e complicidade para poñer a amizade a proba e mentres analizamos, dende a comedia, de que maneira as mulleres estamos a convivir neste novo mundo feminista no que nos atopamos mergulladas.
