Boiro celebra este domingo 16 de xuño unha nova edición da andaina solidaria contra o cancro

11 Xuño 2024

O Concello de Boiro colabora cunha nova edición da andaina solidaria Boiro, en marcha contra o cancro, que organiza a Asociación Española Contra o Cancro (AECC) de Boiro. Na presentación da actividade celebrada na mañá deste 11 de xuño estiveron o alcalde, José Ramón Romero, e a presidenta da entidade, Marisa Lojo.

A andaina celebrarase o vindeiro domingo 16 de xuño con saída ás 11.00 horas da praza de Galicia e cun percorrido circular de 5 quilómetros que percorrerá o paseo marítimo de Barraña e o esteiro do río Coroño para volver á praza de Galicia. “É un percorrido moi sinxelo para que todo o mundo poida participar e colaborar con esta causa solidaria. A veciñanza de Boiro sempre amosa o seu compromiso nestas actividades”, afirmou o alcalde.

As inscricións seguen abertas teñen un prezo de 8 euros para persoas adultas e 5 euros para nenos e nenas menores de 12 anos e poden facerse na Oficina de Turismo de Boiro, na Farmacia Ortopedia Ana Torrente, na Galería Sargadelos, en Modas Naty e tamén online.

“Temos inscritas cerca de 700 persoas e animamos a todos os veciños e veciñas a que participen e colaboren con esta andaina que busca recadar fondos para a investigación do cancro”, recoñeceu Marisa Lojo.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Incendio no estaleiro de ribeira na Barquiña no concello de Outes

Dotación de bombeiros do Consorcio Contra Incendios e Salvamento de A Coruña con base en Boiro e Ribeira xunto Ges de Noia e Garda Civil intervimos en incendio de Asteleiro de Ribeira na Barquiña no Concello de Outes. Ao redor das 02:37 horas rexistrouse un incendio...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....