As Escolas Vellas de Atalaia acolleron un novo obradoiro de uso de móbiles e aplicacións para persoas maiores

16 Xuño 2024

As Escolas Vellas da Atalaia (Asados, Rianxo) acolleron a semana pasada unha nova sesión dos obradoiros de uso de aplicacións móbiles para persoas maiores de 55 anos organizados polo Concello de Rianxo. Dende o Consistorio informaron que a boa acollida deste ciclo de talleres vai motivar que á volta de verán a Concellería de Política Social desenvolva un novo programa de sesións, en colaboración (novamente) coa Asociación Cibervoluntarios.

Nestes obradoiros, gratuítos para a veciñanza, as persoas asistentes aprenden a navegar con seguridade e confianza por Internet e a empregar o seu teléfono móbil ou tableta para comunicarse por vídeo-conferencia, facer xestións co seu banco, pedir unha cita médica, mercar online ou aproveitar o seu tempo de ocio na Rede.

Estas actividades formativas impartíronse esta tempada en todas as parroquias do concello de Rianxo da man de Asociación Cibervoluntarios e do Concello. O primeiro obradoiro celebrouse os días 24 e 25 de abril, na parroquia de Isorna. A seguinte quenda foi en Leiro, os días 2 e 3 de maio. O 15 e o 16 de maio, en horario de tarde, celebrouse un obradoiro en Taragoña; o 29 e o 30 de maio en Araño; e o 12 e o 13 de xuño en Asados.

Os días 26 e o 27 de xuño celebrarase o último taller desta edición en Rianxo.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...