Antonio Pérez rende homenaxe ás mulleres traballadoras do mar na súa nova exposición (en Rianxo a partir do 21 de xuño)

19 Xuño 2024

Este 21 de xuño vaise inaugurar en Rianxo, no Auditorio Municipal, a exposición As Mulleres e o Mar, pinturas e gravados de Antonio Pérez. Será ás 21.00 horas. A mostra poderá visitarse até o 28 de xullo na sala de exposicións do Auditorio. A presentación correrá a cargo de Xoán Pastor Rodríguez, director do Museo do Gravado de Artes e membro da Asociación Cultural Barbantia, entidades organizadoras da mostra xunto co Concello.

Antonio Pérez (Ribeira, 1951) é un dos artistas máis destacados da nosa comarca e un dos máis sobranceiros representantes galegos da arte mariñeira. Recentemente, en 2022, inaugurou en Ribeira, no Centro Cultural Lustres Rivas, a mostra Ribeira: mulleres, homes e peixes, formada por cincuenta cadros que plasman diferentes escenas dos labores tradicionais vencellados ao mar. Pérez explicou recentemente que os seus cadros levan unha longa preparación tras de si: “Toda unha vida, pois todo canto fago vai dar ao mesmo sitio: aos recordos e experiencias que tiven nos cinco anos que pasei traballando no mar”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.