A Xunta aposta pola formación dos profesionais do mar para o desenvolvemento do pescaturismo e o turismo mariñeiro

22 Xuño 2024

A directora xeral de Desenvolvemento Pesqueiro, Marta Villaverde, participou na entrega de diplomas no Casino de Noia dos cursos de turismo mariñeiro para marisqueo a pe e pesca turismo que impartiu o Galp Costa Sostible desde febreiro ata maio. As accións formativas foron realizadas en horario de mañá e de tarde co obxectivo de facilitar á asistencia en función da dispoñibilidade dos asistentes, participando un total de 76 persoas en ambas formacións, 18 nos de pesca turismo e 58 nos de turismo mariñeiro para marisqueo a pe.
Por un lado, foron realizados catro cursos dirixidos ao marisqueo a pe, a metade para ás mariscadoras de Muros e a outra metade para as profesionais de Noia. Os mesmos consistiron en 20 horas de formación teórica e unha visita práctica para ver o desenvolvemento de unha actividade de turismo mariñeiro, neste caso a Amar Carril, e seis horas de titorías especializadas para o deseño dunha posible actividade de turismo mariñeiro. Tamén se realizaron outros dous cursos, un para os traballadores do mar de Noia e outro para os de Muros, sobre pesca turismo seguindo o mesmo esquema. Nesta ocasión a visita práctica foi o embarque como turistas nunha embarcación na que se ven desenvolvendo esta actividade. Así todo, hai dous participantes que xa amosaron a súa intención de desenvolver esta actividade de cara ao próximo verán.
A través destes cursos os participantes adquiren coñecementos para poñer en práctica actividades complementarias á actividade principal da pesca como son a pesca turismo e o turismo mariñeiro. Estas actividades non só proporcionan un ingreso adicional, senón que tamén permiten diversificar a economía local, reducir a presión sobre os recursos mariños e promover unha maior sustentabilidade nas nosas prácticas pesqueiras. Ao compartir o noso coñecemento e cultura con visitantes, fortalécese a conexión entre a comunidade pesqueira e a sociedade, xerando un impacto positivo na conservación da nosa contorna e na valorización do noso patrimonio marítimo.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.