A Asociación de Empresarios de Ribeira vai organizar unha nova actividade divulgativa e informativa destinada a mellorar o día a día dos establecementos comerciais asociados, captar clientes e mellorar visibilidade e competividade. A xornada Colometría e tendencias (primavera-verán) celebrarase este martes 4 de xuño a partir das 16.00 horas. Segundo avanza a organización da xornada, a través dela “descubriremos que cores son os que máis favorecen a cada asistente e falaremos das tendencias desta primavera verán e como adaptalas a cada silueta”. A asistencia será gratuíta previa inscrición no 981 873 719. A xornada levarase a cabo no local da Asociación de Empresarios de Ribeira, no 13 da rúa Rosalía de Castro. Organiza a Asociación de Empresarios co apoio da Xunta e o Concello.
