A Área de Cultura do Concello de Rianxo informou do novo horario de verán da Casa Museo Manuel Antonio, que durante os meses estivais, co obxectivo de achegar o mellor servizo posíbel a visitantes e residentes, estará aberta todas as fins de semana. En concreto, abrirá os sábados de 10:00 a 14:00 horas e de 17:00 a 20:00 horas, e os domingos de 10.00 a 14.00 horas.
A Casa Museo de Manuel Antonio é o primeiro enclave que abre ao público do proxecto Academia Literaria de Rianxo, que consiste na musealización e posta en valor das casas dos escritores locais Manuel Antonio, Castelao e Rafael Dieste.
Está situada na casa natal do poeta, na rúa de Abaixo, na que viviu até os dous anos e na que pasou frecuentes tempadas ao longo da súa curta vida. O conxunto transcende a visión máis tópica deste tipo de museos, pois conserva diverso mobiliario da familia, proxecta audiovisuais, e expón documentos orixinais e obxectos persoais, así como referencias ao contexto vital e socio-político do autor.
981 866 663 – 604 023 753 (Turismo)
881 988 586 – 881 862 305 – 661 610 085 – 698 148 569 (Museo de Manuel Antonio)
museodemanuelantonio@concelloderianxo.gal
