A asociación Lar Gallego de Sevilla foi recibida este luns 10 polo Concello da Pobra

10 Xuño 2024

Máis de cincuenta integrantes da asociación Lar Gallego de Sevilla atópase estes días na terra nai, rememorando a arte, cultura, lingua e gastronomía.

No seu afán de construír pontes de relación entre Galicia e Andalucía, neste 10 de xuño achegáronse ata a casa consistorial da Pobra do Caramiñal, onde foron recibidos polo alcalde, José Carlos Vidal, e pola concelleira do Turismo, Estefanía Ramos.

O rexedor felicitou ao ente por espallar a cultura galega en terras andaluzas e entende que a saudade é o motor principal deste tipo de iniciativas para salvagardar parte da identidade de quen tivo que marchar e tamén garantir unha interrelación entre ámbalas comunidades autónomas. Lembrou, ademais, na súa etapa como bibliotecario municipal, a lectura da revista Anduriña, editada precisamente polo Lar Gallego de Sevilla.

Pola súa parte, a edil desexoulles unha agradable estadía na Pobra do Caramiñal e agradeceu novamente o convite ao Departamento do Turismo para representar a Galicia no XIV Encuentro de Casas Regionales y Provinciales de Sevilla que transcorreu no pasado mes de outubro. Isto posibilitou difundi-los recursos turísticos pobrenses e o folclore galego en territorio andaluz.

Houbo tamén intercambio de agasallos. O Concello da Pobra do Caramiñal recibiu como obsequio un banderín co símbolo da asociación e fíxoselle entrega á expedición de bolsas con material turístico para coñeceren máis sobre todo o que ofrece a localidade.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Incendio no estaleiro de ribeira na Barquiña no concello de Outes

Dotación de bombeiros do Consorcio Contra Incendios e Salvamento de A Coruña con base en Boiro e Ribeira xunto Ges de Noia e Garda Civil intervimos en incendio de Asteleiro de Ribeira na Barquiña no Concello de Outes. Ao redor das 02:37 horas rexistrouse un incendio...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....