Aprobados os días pasados os Orzamentos Municipais de Porto do Son, o Concello xa puxo en marcha o expediente de contratación de dúas relevantes iniciativas que en conxunto suman máis dun millón de euros de investimento. Un destes proxectos consiste en prolongar a mellora da eficiencia enerxética do alumeado público municipal, que inclúe a substitución de de máis dun milleiro de lámpadas por equipamentos LED, máis duradeiros, sustentábeis e eficientes.
Estes traballos, apoiados con fondos europeos Next Generation, veñen cun investimento total de 532.610 euros, dos que 82.668 proceden das arcas municipais. Esta nova fase do proxecto (a terceira) abranguerá as parroquias de Miñortos, Goiáns, Nebra, Noal, San Pedro, Xuño, Baroña e Caamaño. En concreto, actuarase en 1.037 puntos de luz, sendo 4.189 a cifra total de luminarias municipais que existen no territorio sonense. Serán substituídos por lámpadas de tecnoloxías LED, que salientan por ser máis duradeiras, eficientes, sustentábeis e con menor pegada ecolóxica. En concreto, a previsión é acadar un aforro enerxético do 83%.
A terceira fase do proxecto tamén porá o foco nos cadros de mandos, renovando 42 dos 125 que están operativos no concello. Segundo puidemos saber, habilitarase unha tecnoloxía de xestión
