O Concello de Ribeira adxudica servizos básicos nas parroquias de Palmeira, Castiñeiras, Carreira e Corrubedo

08 Maio 2024
O núcleo de Espiñeirido, na parroquia de Corrubedo (concello de Ribeira)

O Concello de Ribeira vén de adxudicar varias obras destinadas a mellorar a infraestrutura e o acceso a servizos básicos nas parroquias de Palmeira, Castiñeiras, Carreira e Corrubedo. Estes investimentos foron incluídos no Plan complementario ó Plan Provincial de Cooperación ás Obras e Servizos de Competencia Municipal (Plan Único de Concellos) POS+ 2023.

A renovación da rede de auga para consumo na rúa do Barreiro, en Palmeira, foi adxudicada cun orzamento de 111.508,02 €e un prazo de execución de 4 meses. O propósito da actuación é o de “solucionar as roturas da liña de auga potábel” e “os problemas de escaseza no subministro, mediante a substitución das liñas existentes”, informou o Concello.

Doutra banda, o saneamento no lugar de Espiñeirido, Corrubedo, conta cun orzamento de 97.336,53 € e un prazo de execución de 4 meses. Segundo lembra o Goberno local, o núcleo “non conta con rede de saneamento, polo que se proxecta a instalación dunha liña para proporcionar o servizo á veciñanza da zona”.

Tamén se adxudicou a pavimentación, abastecemento e pluviais na rúa da Capela, en Carreira, cun orzamento de 111.386,63 € e un prazo de execución de 3 meses. Esta obra proxecta “a renovación do abastecemento da rede de auga e a rede de pluviais; así como a posterior pavimentación da rúa”.

Segundo explicou o alcalde Luís Pérez Barral, “este equipo de Goberno ten como propósito a dotación de servizos básicos de calidade en tódalas parroquias, así como a mellora da infraestrutura e a seguridade viaria, facilitando a mobilidade e a circulación de vehículos”.

Por último, a pavimentación da rúa dos Curros, en Castiñeiras, adxudicouse cun orzamento de 88.209,00 € e un prazo de execución de 2 meses; co propósito de reparar o pavimento e as fochas que presenta o mesmo.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.