O Concello de Boiro celebra cos centros de ensino do municipio unha carreira de campo a través en Barraña

31 Maio 2024

O Departamento de Deportes do Concello de Boiro celebrou este venres 31 pola mañá unha carreira de campo a través para os centros de ensino do municipio na praia de Barraña. O concelleiro de Deportes, Marcos Fajardo, estivo presente na entrega de premios. Participaron un total de 420 escolares de todos os centros de ensino de ensino de Boiro, de 2º a 6º de Primaria. A proba consistiu nun circuíto adaptado e con tres categorías distintas: benxamín, alevin e infantil con probas masculinas e femininas.

Na clasificación final outorgóuselle medalla aos tres primeiros clasificados de cada categoría e unha clasificación final por colexios de todos os que entran en meta en cada carreira.

O concelleiro de Deportes, Marcos Fajardo, agradeceu a participación do alumnado nesta actividade “que mestura deporte e natureza ao celebrarse no marabilloso entorno da praia de Barraña“.

A actividade lévase a cabo a través do programa Xogade da Xunta de Galicia, unha iniciativa que ten como finalidade combinar o programa deportivo e competitivo cun programa lúdico e deportivo para a promoción da saúde, a condición física e o benestar.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.