Mulleres en Acción (Asociación de Mulleres do Barbanza) organiza esta semana unha nova actividade divulgativa para loitar pola igualdade e contra as agresións machistas, concretamente unha charla-coloquio. Este venres 10 de maio, a psicóloga Beatriz Guerra abordará a temática da violencia de xénero e discapacidade.
Tocará cuestións como os recursos dos que se pode botar man para mellorar a axuda e orientación de forma acaída; a importancia de que se coñezan todos os medios; a realidade das mulleres con discapacidade que, tamén, sofren violencia de xénero; e como as agresións machistas poden derivar en discapacidade, tipo mental ou tipo psíquica. A cita será como dixemos este venres ás 19.30 horas no Centro Cultural Lustres Rivas de Ribeira.
