Licitada por 1,4 millóns de euros a nova resonancia magnética do Hospital Médico Cirúrxico de Conxo

22 Maio 2024

O Servizo Galego de Saúde publica no portal de contratación da Xunta a licitación, por importe de1.476.200 euros, para o subministro dunha resonancia magnética 1,5T con destino ao Hospital Médico Cirúrxico de Conxo, na área sanitaria de Santiago de Compostela e Barbanza.

A nova resonancia sitúase dentro da banda tecnolóxica avanzada, ao contar cunha intensidade de campo de 1,5 teslas e ao estar dotada con ferramentas avanzadas que permitirán realizar uns estudos e imaxes con maior rapidez e resolución.

O equipo, malia que se empregará para todo tipo de exploracións rutineiras dos pacientes da área sanitaria de Santiago e Barbanza, centrarase no diagnóstico e seguimento dos pacientes oncolóxicos, así como nas exploracións vinculadas ao músculo esquelético.

A compra deste equipamento precisará da execución dunha serie de obras para acondicionar o espazo no que se instalará, nas que a Xunta investirá 383.270 euros. No seu conxunto, a actuación de mellora suporá un investimento 1.859.470 euros.

A Xunta segue a avanzar no plan de renovación e modernización do equipamento nos centros sanitarios co obxectivo de optimizar a calidade asistencial que o Servizo Galego de Saúde lle ofrece á poboación galega. A previsión é que o novo equipamento estea instalado no hospital antes de que remate o ano.

Estímase que o número de estudos anuais que se poderán facer con esta nova resonancia magnética superará a cifra das 5.000 ao ano, posibilitando incrementar as probas anuais nun 20 %, en comparación co equipamento que posúe actualmente o Hospital de Conxo.

Outros artigos

Publicidade

Revista en papel

Opinión

“Recordar o 93 e seguir o Camiño”. Luís Celeiro

“Recordar o 93 e seguir o Camiño”. Luís Celeiro

En Mérida, onde a finais do século sexto xa había un xenodochium, un albergue de acollida easistencia para as multitudes que visitaban a tumba de Santa Olalla. Os historiadores e entendidosdin que foi o primeiro refuxio para peregrinos documentado en Hispania. E alí,...

“España, triste y conmocionada”. José Castro López

“España, triste y conmocionada”. José Castro López

Una encuesta reciente de IMOP-Insights pregunta por el estado de ánimo ciudadano yrevela que la tristeza es la emoción predominante entre los españoles ante una situaciónpolítica convulsa. “Una España entristecida, desengañada y hastiada de sus dirigentespolíticos”,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.