Esta semana proseguen as actividades da nova edición (a número XVIII) das Xornadas Sociosanitarias de Outes e das III Xornadas do Programa Universitario de Maiores (IV Ciclo da Universidade de Santiago). A nova sesión será este xoves 30 de maimo, ás 18.30 horas, na Casa da Cultura municipal.
A sesión, centrada en achegar recursos para mellorar a nosa calidade de vida e facilitarnos a identificar recursos que nos sirvan de apoio para o noso día a día, desenvolverase baixo o epígrafe Saúde mental: Saber pedir axuda.
Será impartida pola doutora Rosa Cerqueiro Landín, psicóloga do Complexo Hospitalario de Conxo (o Hospital Provincial de Santiago).
O ciclo está a ser coordinado por Xosé Mª Dios Diz, médico especialista de Atención Primaria de Outes.
A cita será novamente na Casa da Cultura da Serra de Outes.
As xornadas veñen da man do Concello (Centro Social e Centro de Saúde), a Sociedade Galega de Xerontoloxía e Xeriatria, a USC, ADISBISMUR e a Asociación Cultural Terra de Outes.
