O Concello de Porto do Son, nun traballo conxunto das Áreas de Deportes e Benestar Social, propuxo dende a C.D. Piscina Municipal un programa de actividades gratuíto de ximnasia de mantemento acuático para as veciñas e veciños da terceira idade. O programa levarase a cabo en tres quendas: 28 de maio, 4 de xuño e 11 de xuño.
Segundo informan dende a organización, “o medio acuático permitiranos desenvolver programas acordes coas súas necesidades, sumando en saúde e previndo enfermidades; co fin de manter a súa autonomía e independencia a través da motivación persoal e do favorecemento das relacións sociais”.
Máis información e inscricións na recepción da Piscina Municipal ou chamando ao 604 051 189.
