A área de Turismo do Concello de Noia organizou no marco do Maio das Letras unha actividade turístico-cultural e de ler que homenaxea ao senlleiro escritor local Antón Avilés de Taramancos ao tempo que reivindica os tesouros paisaxísticos e patrimoniais do concello.
Trátase da Ruta Antón Avilés de Taramancos, experiencia sensorial polo legado da súa vida, que está programada para o vindeiro 12 de maio a partir das 10.30 horas, con saída da praia do Testal, e que permitirá coñecer non só a contorna do dito areal e a aldea de Taramancos, de era natural o poeta, senón o propio centro histórico de Noia onde o autor de Cantos Caucanos rexentou a histórica Tasca Típica.
Tamén se inclúen na ruta visitas ao Museo das Laudas Gremiais e á Casa da Cultura.
O roteiro, dunhas tres horas aproximadamente, rematará na Alameda de Noia. Máis información e inscricións a través do teléfono 981 821 598 ou na conta turismoconcellodenoia@gmail.com.
