O Concello de Muros fixo públicos os resultados do concurso de carteis das XIX Xornadas de Cultura Mariñeira Muros Mira ao Mar. A concelleira de Cultura, Caridad González, deu os parabéns a todo o alumnado participante “pola súa creatividade e esforzo”.
Pola súa banda, a alcaldesa de Muros, María Lago, agradeceu “aos centros educativos municipais toda a súa colaboración neste concurso”.
O cartel gañador no ciclo de Educación Infantil foi A mares, do 4º curso de Educación Infantil do CEIP Ramón de Artaza e Malvárez.
No ciclo de Educación Primaria, o cartel gañador foi O salto de Manoliño, de Julia Monteagudo Gallardo, Leire Piñeiro París e Martina Rodríguez Nieto, do CEIP Plurilingüe Ricardo Tobío.
O cartel gañador no ciclo de Educación Secundaria foi O mar a través dunha fiestra, de Ainhoa Morillo Vázquez e Julia Rodríguez Rey, do IES As Insuas.
Por último, o cartel gañador e anunciador das XIX Xornadas de Cultura Mariñeira Muros Mira ao Mar é O salto de Manoliño, de Julia Monteagudo Gallardo, Leire Piñeiro París e Martina Rodríguez Nieto, do CEIP Plurilingüe Ricardo Tobío.
