A empresa CONGALSA, con sede principal na Pobra do Caramiñal e centrada no ámbito da alimentación baseada en produtos pesqueiros, amais de ser un referente en innovación, transformación e responsabilidade social empresarial, vén de recoller o Premio de Empresa do Ano.
O galardón foille entregado polo Colexio Oficial de Biólogos de Galicia, e recolleuno a directora xeral da compañía, Noela Prieto. Este recoñecemento distingue a CONGALSA como “empresa líder no sector” e “salienta a súa aposta polo produto e o emprego local, ademais de polo seu compromiso co medio ambiente”.
A directora xeral, Noela Prieto, destacou “que o noso labor é seguir traballando na posta en marcha de prácticas empresariais responsábeis e manternos á vangarda en materia de sustentabilidade, contribuíndo ao benestar do noso planeta e das xeracións futuras”, dixo.
