Más de mil quilogramos de cocaína foron comisados nunha operación conxunta levada a cabo nos portos de Vigo e Sines (Portugal), segundo informou a Policía este luns. A operación resultou na detención de tres persoas.
A intervención comezou no porto de Vigo, onde os axentes inspeccionaron un contedor de froita dun barco procedente de Brasil. No seu interior, atoparon “melones sen pulpa recheos de cocaína”. Entre os 21 palets de melones, os axentes aduaneiros e policiais incautaron 490 quilos de cocaína escondidos en “bolsas esféricas de goma” dentro das froitas.
Este comiso foi posible grazas a unha investigación iniciada polas autoridades xudiciais lusas, que levaban meses seguindo a unha organización que introducía grandes cantidades de cocaína procedente de Sudamérica utilizando “eficaces métodos de ocultación” da droga.
Posteriormente, no porto de Sines, ao sur de Lisboa, as autoridades lusas lograron comisar 535 quilos de cocaína ocultos en envases de zumes. Nesta operación, tres persoas foron detidas en territorio portugués e xa foron postas ao dispor das autoridades xudiciais, quen ditou unha orde de prisión preventiva para un dos detidos.
Segundo o comunicado, a operación, na que participaron a Axencia Tributaria, a Policía Nacional e a Polícia Judiciária de Portugal, segue aberta en España e non se descartan novas detencións.
