“Cando existen intereses contrapostos na pesca”. Antón Luaces

28 Maio 2024

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as comunidades pesqueiras españolas, non teña producido mobilizacións de gran calado (nunca millor dito) que reconduciran determinadas accións gobernativas para que a pesca non resultara tan prexudicada por aquelas.

A desunión no sector é tan perceptible que, con botar unha ollada ao acontecido nos últimos 30-40 anos, comprenderemos a escaseza de folgos para endereitar a desnortada marcha do mesmo, cunha perda constante de postos de traballo, carencia de axudas económicas cando esta eran e son tan necesarias para o mantemento da que foi unha das frotas pesqueiras máis importantes de Europa (tamén do mundo), falta de visión nas autoridades pesqueiras para manter -en base ao dereito marítimo internacional- as “prebendas” concernidas pola historia e que os distintos gobernos españois non souberon  defender (casos como os da “guerra do fletán”, as “cortinas da morte”, os desencontros con Argentina en as augas internacionais deste país austral, a imposición pola UE de restricións que dó afectaron aos pesqueiros españois, a aceptación sen máis de absurdas decisións tomadas por países en cuxas augas pescaban os nosos barcos como Marrocos, Namibia, Francia, Portugal, Reino Unido, etc., e problemas máis locais coma vedas, prezos do combustible dos barcos nunca compensados comparativamente coa agricultura, a gandaría, o transporte por estrada, a non intervención por convencemento dos beneficios derivados de formulaciòns protecionistas coma o recoñecemento da iniciativa Mar de Lira, e tantas outras, que conduciron sempre a poñer na balanza os coñecementos das autoridades pesqueiras en comparación cos dos pescadores. 

Que será, por exemplo, o que xungue á Xunta de Galicia e ao Goberno central en asuntos que poden afectar tan diretamente aos sectores da pesca e o marisqueo como son os parques eólicos e a celulosa Altri, contra os que tan abertamente  se manifestan os citados sectores e aos que a Xunta e o Goberno defenden como se neles lles fora a vida?. Que explica a facilidade de entendemento con esas empresas

e o deixar en banda a milleiros de persoas que, como mariscadores e pescadores aportan un importante “pico” ao Produto Interior Bruto (PIB) dos concellos costeiros e, consecuentemente, de Galicia?. Teñen que optar, acaso, polo que máis dano ocasiona a quen vive do mar? .

Saben eles máis do mar ca os que viven deste?.

Outros artigos

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

+

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...

+

“Ciudades más habitables”. José Antonio Constenla

Ciudades más habitablesEn plena resaca de las elecciones europeas, tal vez viene bien paradesengrasar, hablar de cómo haremos que nuestras ciudades sean máshabitables, algo sobre lo que la Unión Europea va a tener mucho que decir,sobre todo en un momento de transición...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...