Os interesados dispoñen ata o próximo 21 de xuño para cursar as solicitudes para as axudas de libros, bono de material e Fondo solidario
Lembra que estas medidas da Consellería de Educación, Ciencia, Universidades e FP chegan ao 70% do alumnado en función da súa renda.
A adquisición de material escolar vai dirixido ás familias con rendas per cápita iguais ou inferiores aos 10.000 euros, con dous tramos de renda. Para rendas per cápita iguais ou inferiores a 6.000 euros mantense un vale de 75 euros -cobrarano tamén o alumnado en situación de garda ou tutela da Xunta, o de Educación Especial ou cunha discapacidade igual ou superior ao 65%, independentemente da súa renda-. Para rendas superiores aos 6.000 e ata os 10.000 euros o vale será de 60 euros por alumno.
