A Asociación Ambar das Persoas con Diversidade Funcional celebrou o día Día das Familias coma cada ano, mais nesta ocasión a celebración tivo lugar no seu Centro de Recursos. As familias, amigos, colaboradores e persoas voluntarias puideron ver o que se leva a cabo no día a día e as persoas usuarias de Ambar encargáronse de amosar o que levan a cabo en cada un dos obradoiros.
Durante a xornada leváronse a cabo diversas actividades. Ademais de poder coñecer as instalacións, os obradoiros e a metodoloxía de traballo, as persoas asistentes tamén desfrutaron das exhibicións dos grupos de Taekwondo e Boxeo de Ambar ,dun obradoiro de de baile a cargo de Taller Alecrín, unha competición de merengue e pasodoble e unha exibición de Linedance e Baile Social.
A celebración rematou cun aperitivo e o discurso de peche de Milagros Rey agradecendo a tódalas persoas asistentes pola súa asistencia e apoio neste evento tan especial. Tamén dou gracias a colaboradores e voluntarios, especialmente a Alicia Agrelo e Clara Millares, adestradoras do equipo de Taekwondo e de Boxeo de Ambar.
A presidenta de Ambar tamén animou a todo o mundo a inscribirse na Carreira pola Diversidade “Este ano é o décimo aniversario e esperamos que tamén nos acompañedes en familia, xa que hai categorías dirixidas a tódolos públicos”. As inscricións do evento que terá lugar o 14 de xullo na Explanada de Coroso, están abertas na páxina de Cronotec.
