En previsión das chuvias caídas e as agardadas para as vindeiras horas, a Xunta de Galicia activou o Plan Especial ante o Risco de Inundacións en Galicia (INUNGAL), co fin de seguir polo miúdo as estacións de aforo dos ríos.
Arestora, atópase en vixilancia e seguimento a estación de aforo do río Lérez, polo que cómpre extremar as precaucións na marxe do río.
Para evitar imprevistos, desde o 112 Galicia recomendamos seguir atentamente estes consellos de auto protección.
Así mesmo, informamos que, neste enlace, pode consultar o listado actualizado dos ríos que se atopan en seguimento.
