A sonense Patricia Torrado presenta na súa terra “Ouveos fractais”, un libro de poemas que berra por todas as mulleres silenciadas

21 Maio 2024

A Casa da Cultura de Porto de Son acolleu este domingo 19 de maio a presentación do libro Ouveos fractais, da escritora local Patricia Torrado Queiruga, que estivo acompañada na cita literaria pola arpista Clara Pino, e tamén pola secretaria da Asociación Cultural Barbantia, Milagros Torrado. A presentación veu da man de Barbantia e o Concello sonense.

Segundo explicou a autora, Ouveos fractais é un libro adicado “a todas as mulleres sen voz e a todos os que ouvean canda elas”. Trátase dun feixe de poemas directamente encamiñados a loitar contra este silencio e, por extensión, contra as moitas e variadas manifestacións da violencia e da desigualdade.

Participan con ilustracións e fotos Diana Fajardo, Adolfina Mesa, Viki Rivadulla, Emma Pedreira, Andrea F. Maneiro e Paola García.

Patricia Torrado Queiruga, nada en Porto do Son en 1987, é unha escritora, xornalista e museóloga galega, ademais de experta en conservación e restauración do patrimonio e activista cultural. En 2020 gañou o Certame Manuel Murguía de narracións breves co relato Silencios náufragos. En decembro de 2020 obtivo o primeiro premio no III Certame de Poesía Torre de Caldaloba coa obra Herdar a fala.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.