A Marea de Noia propón a recuperación da Feira do Libro

08 Maio 2024

A Marea de Noia fixo unha proposta para a recuperación da Feira do Libro.

Manolo Seijas, responsábel da agrupación, explicou que “Noia é unha das vilas culturais máis importantes de Galicia, con escritoras e escritores locais de gran prestixio” polo que a Feira do Libro “sería un evento importante para a súa promoción”.

Segundo explicou, a Feira do Libro ten tres obxectivos fundamentais: “A promoción da lectura e polo tanto mellora na oferta cultural da nosa vila, promoción das persoas escritoras locais e dinamización turística”.

Tamén lembrou que “xa hai máis de 14 anos que este importante evento cultural non se celebra en Noia esta feira, que gozaba de gran éxito xa que atraía numerosos visitantes á nosa vila” e dende a Marea apuntan que “ é tempo de recuperala”.

Seijas apuntou que “esta feira ten que ter a ambición de permanencia no tempo, debemos innovar para que sexa unha referencia no sector, unha cita imprescindíbel para os amantes da lectura e converterse nun referente cultural da provincia”

Indicou ademais que se poden crear actividades paralelas e relacionadas coa feira para facela máis atractiva.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...