O Centro Social de Boiro acolle este xoves 4 de abril unha charla sobre os perigos dunha exposición prolongada aos raios solares sen a protección axeitada, un hábito de risco que pode carrexar aínda maiores consecuencias co aumento das temperaturas motivado pola crise climática e coa diminución da capa de ozono (e o aumento dos raios ultraviolenta). Trátase dunha actividade abeirada ao ciclo Muller e Saúde, impulsado polo Concello de Boiro coa colaboración de Mulleres Salgadas. A charla dará comezo ás 17.30 horas e desenvolverase baixo o epígrafe Dano solar na pel, como actúa un protector solar e a necesidade de elixilo ben.
Inscricións no CIM de Boiro mediante o enderezo electrónico cim@boiro.org ou o teléfono 981 84 48 00 ext. 1285.
