A Asociación de Música e Baile Tradicional Vai de Roda, coa colaboración da Área de Cultura do Concello de Rianxo, presentou o cartaz da segunda edición do seu festival Vai de Bares, que se celebrará o vindeiro 13 de abril a partir das 20.00 horas. A axenda arrincará cun ruada nos bares (un pasabares) e ao rematar o periplo musico-hostaleiro celebrarase unha foliada libre con todos os grupos convocados na praza de Castelao.
Participarán as seguintes agrupacións: Son da Illa, Nunca é tarde, A Dorniña de Abanqueiro, Os Ghaitas Blue, Lumieira, Os da Bonia, Río de Anxo, Fogo Fatuo, Arrancadeira, Troula da Barquiña, Son de Gaita e Vai de Roda.
Os establecementos participantes son os que citamos de seguido: Berberecho, O Vilar, A Motora, Refuxio, Guadalupe, Gallaecia, Castelao, O Paseo, Roxerius, O Costillar, Toskana e Saraiba.
