O Concello de Ribeira solicita a colaboración da Policía Local para combater o furtivismo

19 Abril 2024

Este venres 19 de abril o alcalde de Ribeira, Luís Pérez e o concelleiro do Mar, Fernando Abraldes, mantiveron unha reunión de traballo co responsábel da Policía Local de Ribeira, José Manuel Bretal, para abordar a problemática da pesca furtiva no Concello. Segundo explicou Abraldes, trátase dun conflito que se incrementa no verán, co comezo do bo tempo, e que afecta especialmente á Confraría de Carreira e Aguiño, debido sobre todo “á gran extensión da concesión que abrangue”.

Coincidindo na necesidade de protexer os recursos naturais e preservar a sustentabilidade das costas, discutiuse a necesidade dunha cooperación máis estreita entre a Policía Local e os vixiantes das confrarías de Carreira e Aguiño, Palmeira e Ribeira. Durante o encontro destacouse a importancia de “tomar medidas proactivas para loitar contra a caza furtiva, que ameaza a economía local e a explotación marisqueira”.

Unha proposta fundamental que se discutiu na reunión foi o de dar aos axentes da policía a autoridade para rexistrar vehículos sospeitosos de transportar marisco de xeito ilegal e solicitar permisos de marisqueo. “Isto implicará a capacidade de realizar rexistros e incautacións cando existan indicios razoábeis de actividade de caza furtiva”, sinalaron.

O alcalde destacou que “esta medida non só busca disuadir aos furtivos, senón tamén protexer a aqueles pescadores e mariscadores que operan dentro da legalidade e contribúen ao sustento das nosas comunidades costeiras”.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...