O Concello de Porto Son acelera o proceso para pór a disposición do SERGAS o inmóbel que acollerá o novo centro de saúde

18 Abril 2024

O Concello de Porto do Son compartiu nova información sobre o proxecto para crear na vila sonense un novo centro de saúde, un proxecto que implica a compra dun edificio sen rematar no centro de vila e en cuxa adquisición o Goberno local investirá finalmente 350.000 euros. O alcalde sonense Luis Oujo manifestou que o proceso de compra coa empresa propietaria está xa moi avanzado e que xa se fixo un levantamento topográfico da edificación e un control técnico que verificou que a estrutura do inmóbel achega condicións axeitadas de seguridade.

O rexedor sinalou tamén que con estes datos de idoneidade tentarase axilizar o proceso para poñer o edificio a disposición do SERGAS, dando vía libre ao peche do perímetro e ao inicio dos traballos internos de reconstrución.

Respecto dun dos elementos que xera dúbidas entre a cidadanía, a superficie de aparcamento, o alcalde sinalou que o novo centro de saúde achegará unha cantidade importante de prazas de estacionamento tanto para o persoal do centro como para os usuarios. Esta superficie de aparcamento estará situada no propio inmóbel e ofrecerá, sinalou, as máximas comodidade e seguridade para a cidadanía, que só terán que deixar o seu vehículo e subir polo ascensor ou as escaleiras para acceder ao andar onde estará situado o propio centro de saúde.

O alcalde manifestou o seu compromiso de acelerar os procesos para converter en realidade a nova infraestrutura, xa que o inmóbel que está a día de hoxe operativo ten claros sinais de antigüidade e desgaste que se viron agravados polas inclemencias climáticas do pasado inverno.

Sinalou tamén que o Concello fará no antigo centro de saúde unha serie de reformas básicas para poñer freo aos problemas de filtracións nas xanelas e de pingueiras, pero tentando axustar os investimentos ante a máis que previsíbel aceleración do proxecto do novo centro de saúde.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...