O Concello de Outes vai celebrar o 17 de maio, coincidindo coa celebración do Día das Letras Galegas, a XV edición da súa Carreira Pedestre. A convocatoria, segundo informa a Área de Deportes municipal, comezará ás 10.00 horas con saída e chegada na praza de Galicia (en fronte ao Campo de Fútbol). Haberá todo tipo de categorías (dende chupete até veteranos) e as inscricións poden facerse xa na páxina web cronotec.es, onde se achega tamén toda a información que podemos precisar sobre esta proba deportiva, ao igual que en outes.gal.
Distancias e horarios
10 quilómetros ás 10.00 horas
3 quilómetros ás 11.30 horas
1 quilómetros ás 12.00 horas
Menores a partir das 12.20 horas
