O Centro Social de Boiro acolle na tarde deste venres 5 de abril un acto sobre a situación humanitaria e política do Sáhara co título En defensa do Sáhara. Antecedentes e actualidade do conflito. A cita, organizada polo Encontro Galego contra a OTAN, o Partido Comunista de Galicia e a asemblea local de Esquerda Unida Boiro, contará coa presencia de Baba Mohamed Lamin ali, activista pro dereitos do pobo saharauí e de Roberto Laxe, integrante do Encontro Galego contra a OTAN.
Néstor Sieira, Coordinador Local de Esquerda Unida, fará as función de presentador e condutor da xornada, que rematará cun coloquio no que poderá participar o público asistente. O acto comezará ás 19:30h