O alumnado dos IES boirenses visitan o Pazo de Goiáns co persoal do Obradoiro de Emprego Torre Goiáns III

19 Abril 2024


As e os participantes no Obradoiro de Emprego medioambiental Torre Goiáns III do Concello de Boiro recibiron estes días a visita do alumnado dos IES de Boiro para ensinarlle o Pazo de Goiáns e os traballos que están a realizar alí. Á visita asistiron a concelleira de Medio Ambiente, Olga González, e a concelleira de Cultura, María Outeiral.

O Obradoiro Medioambiental Torre de Goiáns III Boiro combina os traballos de aprendizaxe teórica e prácticas, coa difusión das distintas formacións paixasística, medioambientais e patrimoniais que alberga a finca do Pazo de Goiáns. Esta formación está dividida en dúas especialidades con 10 alumnos en cada unha. Por un lado a especialidade de Instalación e mantemento de xardíns e zonas verdes e, por outro, Repoboacións forestais e tratamentos silvícolas. O alumnado recibe capacitación en espazos naturais do concello ao contar cun contrato de traballo para a formación e aprendizaxe a tempo completo de 40 horas semanais.

A concelleira de Cultura, María Outeiral, explicou ao alumnado que o Pazo de Goiáns “é unha xoia patrimonial e está a ser un gran escenario de visitas guiadas para dar a coñecer a súa riqueza e as actividades culturais de todo tipo que se desenvolven neste espazo durante todo o ano”. Pola súa parte, a concelleira de Medio Ambiente, Olga González, declarou que “a finca do Pazo de Goiáns ten un gran valor patrimonial e medioambiental, con especies senlleiras que non se atopan noutros espazos naturais do noso municipio”.

O Obradoiro de Emprego medioambiental Torre Goiáns III do Concello de Boiro lévase a cabo mediante unha subvención de 531.046,20 euros da Consellería de Promoción do Emprego e Igualdade a Xunta de Galicia para a realización de obradoiros de emprego na comunidade autónoma.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...