Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non daba aberto a porta do devandito domicilio e que a súa parella estaba no interior e que non lle abría, polo que temía que lle pasase algo.
Ata o lugar mobilizáronse efectivos do GAEM, das Policías Local e Nacional e dos Bombeiros de Ribeira, así como unha ambulancia de Urxencias Sanitarias de Galicia-061 co equipo facultativo do PAC ribeirense. O corpo da muller foi levado novamente á casa, onde se agarda pola chegada da unidade xudicial da comisaría ribeirense, así como polo médico forense e a funeraria para proceder ao levantamento do cadáver, e tratar de esclarecer as causas da morte da muller.
