Nas bases especifícase que os debuxos deberán ser orixinais e inéditos. O deseño gañador publicarase nos marcapáxinas que se regalarán ás persoas usuarias da Biblioteca Municipal.
O prazo de entrega remata este 16 de abril.
O obxectivo é “promover a creatividade artística e plástica entre o alumnado de Educación Primaria, mediante a elaboración dunha ilustración alusiva ao libro e á lectura para o público infantil”.
Coa achega gañadora o Concello de Ribeira elaborará unha tiraxe de marcapáxinas que serán agasallados aos usuarios e usuarias na Biblioteca Pública Municipal de Ribeira.
