A Área de Cultura do Concello de Rianxo compartiu a súa axenda de actividades para esta terceira semana de abril, unha axenda na que tamén teñen cabida as accións achegadas dende as asociacións e colectivos locais. O programa inclúe contacontos sobre Europa (en Taragoña este martes pola tarde), a presentación do novo libro de poemas dunha das grandes promesas da poesía de Iberoamérica (Diego Roel, de raíces rianxeiras), a gala final do Certame de Curtas Alberto Romero e teatro a cargo de Excéntricas (Monstros e Pirolíticos).
Martes 16 de abril
18.00 h. Centro Cultural de Taragoña. Contacontos: Kalopsia: Un planeta non tan diferente, ao abeiro do programa Europa no teu Concello. Inscrición previa en xuventude@concelloderianxo.gal.
Xoves 18 de abril
20.30 h. Salón de actos do Auditorio de Rianxo. Presentación do poemario Los cuadernos perdidos de Robert Walser, do poeta Diego Roel (premio Loewe 2023).
Venres 19 de abril
20.30 h. Salón de actos do Auditorio de Rianxo. Libros, presentación Aqueles Corpos Nosos de Adrián Ramos.
Sábado 20 de abril
19.00 h. Sala Arcos Moldes do Auditorio de Rianxo. Gala de entrega de premios do VIII Certame de Curtas Alberto Romero.
Xa están á venda, woutick, as entradas para as funcións organizadas por Producións Excéntricas:
Sábado 27 de abril – 18.00 h. Sala Arcos Moldes do Auditorio de Rianxo. Teatro familiar, Monstros a cargo de Producións Excéntricas.
Sábado 5 de maio – 20.30 h. Sala Arcos Moldes do Auditorio de Rianxo. Teatro, Pirolíticos por Excéntricas.
