Parece incrible. Nos últimos 50 anos morreron máis mulleres por cuestións do seu sexo que homes en todas as batallas do século XX. 40 millóns de nenas e mulleres son abusadas e violadas cada ano no mundo. Que nos está pasando?.
As mulleres, en pleno século XXI, aínda teñen que demostrar a súa valía, mentres que aos homes se les presupón. Máis mulleres morren a mans das súas parellas ou os seus maridos, a pesar de presentar denuncias por malos tratos ou violencia machista. Certo é que a sociedade avanza e evoluciona moi lentamente pero hai cuestións que deberían atallarse de raíz. A violencia de xénero é unha delas e todos somos responsables.
As diferentes administracións públicas non se cansan de suxerir ás mulleres que non deixen de denunciar por medo e que pensen que a xustiza estará da súa parte. O problema é que, moitas mulleres, seguen vivindo con medo, desprotexidas pola propia familia e os seus máis achegados, mentres os seus verdugos seguen facendo vida normal e presumindo dos seus actos violentos.
O sucedido estes días en Ribeira puxo de manifesto de que algo continúa fallando. Unha moza vilmente asasinada, a mans da súa ex parella, débenos facer reflexionar sobre o que ocorre ao noso ao redor, sobre a vulnerabilidade e a dependencia emocional de moitas mulleres cara aos seus maltratadores. A falta de axudas e dunha atención integral cara a esas mulleres para romper calquera tipo de vínculo con eses verdugos.
