Cando se cumpre unha semana da posta en marcha da campaña de promoción comercial Bonos Negocios 10, impulsada pola patronal boirense (ABE), xa se venderon 5.000 € en bonos dos 10.000 € dispoñíbeis. Así o fixo saber a asociación empresarial no seu primeiro balance da actividade, no que lembra que os bonos que teñen un valor de 50 € pero que ao cliente só custan 40€ (levan 10 € de agasallo como aliciente para que sexan utilizados nos establecementos asociados).
A ABE tamén recorda que “das 200 caixas que se puxeron á venda o 7 de marzo xa soamente quedan a metade que se poden adquirir nas oficinas da ABE ata esgotar existencias a razón de 1 caixa por DNI”.
O presidente da ABE, Daniel García explicou que “ o arranque da campaña foi un éxito xa que en apenas unha semana xa se venderon a metade dos bonos dos que se dispuña” e que con esta iniciativa “pretendese incentivar as compras nun período onde o consumo é baixo para acadar mais de 10.000 € de retorno en compras nos negocios da localidade dos que xa levamos 5.000€”. Ademais advertiu aos clientes que a poden utilizar en todo tipo de produtos como “roupa, calzado, alimentación, electrodomésticos, decoración, reformas, climatización, xogueterías, librarías, tinturarías, gasolineira, transporte, bares e cafeterías, restaurantes, ocio nocturno, turismo rural, saúde e benestar e un longo etcétera”.
