O copiloto do turismo resultou ferido esta tarde tras saírse da vía o turismo no que viaxaba.
Segundo se lle informou ao 112 Galicia, a vítima tivo que ser excarcerada polos equipos de emerxencia desprazados ata o punto despois de que o vehículo no que circulaba rematase accidentado contra unha árbore.
O sinistro ocorreu ás 16:30 horas da tarde na parroquia de Carcacia, situada no municipio de Padrón (A Coruña). Nese momento, o 112 Galicia recibía a alerta do accidente por parte dun particular e poñía en marcha un operativo que contou coa intervención de Urxencias Sanitarias de Galicia-061, os membros do GES de Padrón, os Bombeiros de Boiro, os axentes da Garda Civil e da Policía Local e os efectivos de Protección Civil da localidade.
Finalmente, segundo a información recibida no 112 Galicia por parte do GES de Padrón, o vehículo accidentado era unha furgoneta con dous ocupantes no seu interior, aínda que só un deles estivo atrapado. Tras rematar as labores de excarceración, o ferido foi trasladado a bordo dunha ambulancia ao Hospital Clínico Universitario de Santiago.
