O Concello de Ribeira acolleu no mediodía deste luns 11 de marzo unha homenaxe ás vítimas do terrorismo. O minuto de silencio celebrouse con motivo do Día Europeo en Memoria das Vítimas do Terrorismo e do 20 cabodano dos atentados de Madrid onde faleceron 193 persoas.
O alcalde Luís Pérez Barral, integrantes da Corporación Municipal, persoal municipal, forzas de seguridade e veciñanza, participaron esta no acto en recordo das vítimas mortais e en solidariedade cos sobreviventes dos atentados terroristas, dos que se cumpren 20 anos este 11 de marzo. O minuto pechouse cun aplauso.
O Concello de Ribeira pretende, con este minuto de silencio, trasladar o seu cariño ás familias das vítimas e as persoas que se viron afectadas polos tráxicos atentados terroristas que tiveron lugar o 11 de marzo do ano 2004.
