O Concello de Ribeira comeza as limpezas nos areais do municipio de cara á Semana Santa

22 Marzo 2024

O Concello de Ribeira, a través do servizo de limpeza viaria, comezou este venres 22 de marzo os labores de limpeza manual nos areais do termo municipal. Segundo informaron fontes do Consistorio acerca da importancia destes traballos, “coa chegada da Semana Santa, un dos períodos máis concorridos nas praias, a importancia de manter estes espazos limpos e seguros vólvese fundamental”. 

Ao inicio desta semana comezaron as limpezas a máquina, que recolleron “unha gran cantidade de residuos e refugallos”, e agora coa despregadura da brigada manual as e os traballadores percorren a costa recollendo residuos que poden quedar atrás ou que son de difícil acceso para as máquinas. Esta brigada manual estará traballando nos areais os vindeiros 10 días.

“A combinación de ambas estratexias, a limpeza con maquinaria e o traballo manual das brigadas, garante un resultado óptimo na conservación e preservación das nosas praias”, explicou a concelleira de Servizos Municipais, Tania Redondo, que se achegou este venres a Corrubedo para supervisar o comezo da limpeza manual. “Máis aló da Semana Santa, é fundamental manter este esforzo de limpeza de maneira continua para protexer os nosos ecosistemas costeiros e proporcionar unha contorna saudable para residentes e turistas durante todo o ano”, engadiu.

Outros artigos

Publicidade

Revista en papel

Opinión

“Dereitos sociais e narcisistas” – José Manuel Pena

“Dereitos sociais e narcisistas” – José Manuel Pena

Quen pode estar en contra do incremento do Salario Mínimo Interprofesional, do incremento dos orzamentos para a sanidade pública, a educación pública, para a construción de vivendas públicas; para o mantemento e incremento do ingreso mínimo vital ou das pensións non...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.