O sábado 6 de abril o Auditorio de Rianxo vai dar acollida a un espectáculo solidario a favor da Asociación EsRetina, unha entidade que se dedica a facer visíbeis as doenzas herdo-dexenerativas da retina causantes de baixa visión e/o cegueira, como é o caso da Retinosis Pigmentaria.
A cita será ás 18.30 horas e contará coa presenza do Mago Paco, presentando o espectáculo Ledicia (unha función de maxia cómica para “nenas e nenos de 0 a 99 anos”).
As entradas para asistir terán que ser retiradas previamente da Ludoteca Agarimo ou o mesmo día do espectáculo na billeteira do Auditorio (1 hora antes do comezo da actividade). O espectáculo está organizado pola Ludoteca Agarimo coa colaboración do Concello de Rianxo.
