Boiro reivindica a igualdade coas xeracións predecesoras do balonmán no municipio como referentes

08 Marzo 2024


O Concello de Boiro celebrou na mañá deste venres 8M, na Casa Consistorial, un acto institucional para conmemorar o Día Internacional da Muller.

Fíxoo poñendo o foco nas mulleres “que foron e son referentes”. O acto contou coa lectura do manifesto institucional que homenaxeou ás xogadoras de balonmán feminino nos anos 60, 70 e 80.

“Festexamos hoxe un día no que toda a cidadanía reivindica a igualdade e os dereitos da muller, uns dereitos que supoñen o progreso da nosa sociedade”, afirmou o alcalde José Ramón Romero na súa intervención antes de dar paso á lectura do manifesto institucional que realizou o concelleiro de Política Social, Raúl Treus.

Como dixemos, o manifesto deste ano centrouse nas mulleres que foron e que son referente para as xeracións de hoxe e do futuro, as deportistas que fixeron posíbel a presenza da muller no balonmán en Boiro nos anos 60, 70 e 80.

“O Concello homenaxeará anualmente a aquelas mulleres que son un referente en diversos ámbitos como é a ciencia, a literatura, a arte, o deporte… ou aquelas outras mulleres anónimas que fan tanto pola súas familias e a sociedade”, afirmou o concelleiro de Política Social durante a súa intervención.

Neste ano 2024, ademais das xogadoras de balonmán feminino, o Concello rendeu tributo tamén a Lupe Tubío, de Cáritas Boiro, a proposta de Unión de Muchachas pola súa contribución á sociedade boirense.

O acto contou tamén coa representación da peza A Serea Mariña – Elas do grupo de artes escénicas da Asociación AMBAR, unha peza que pon en valor a importancia da muller na cultura galega e que reivindica a implicación nas mulleres con diversidade en todos os ámbitos da vida cotiá como o teatro ou as artes.

O acto finalizou coa colocación dunha placa conmemorativa ás catro xeracións de mulleres xogadoras de balonmán feminino de Boiro nos anos 60, 70 e 80 na Praza de Galicia, lugar onde comezaron aqueles encontros deportivos que demostraron, varias décadas atrás, que as mulleres tamén podían practicar deporte.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.