Unha tixola no lume causou un incendio nun piso céntrico de Ribeira. O suceso ocorreu preto do parque García Bayón, na fachada marítima da cidade. As chamas danaron a campá extractora e parte do mobiliario. Os bombeiros e a policía responderon, pero as chamas xa foran sufocadas con auga.
O suceso ocorreu ao redor das dúas menos vinte desta tarde e foi un particular o que contactou co Centro Integrado de Atención ás Emerxencias (CIAE) 112 Galicia, desde onde se mobilizou ás dotacións de garda do parque comarcal de Bombeiros de Ribeira, intervindo amais efectivos do Grupo de Apoio e Emerxencias Municipal (GAEM) e senllas patrullas das Policías Local e Nacional ribeirenses.
