A Semana Santa de Muros, que conta co apoio do Concello de Muros, comeza este venres cunha programación que
rematará o domingo 31 coa celebración da tradicional ‘Palomiña’.
Na presentación, que tivo lugar hoxe no concello, participaron Caridad González, concelleira de Cultura e Turismo; Daniel Pérez, párroco de Muros, e Luis Martínez e Manuel Lago, da comisión da Semana Santa Muradana.
Do 22 ao 31 de marzo, a vila acollerá a celebración das procesións e eventos relixiosos. A primeira xornada será este venres, 22 de marzo, coa conmemoración do ‘Venres de Dores’, tras o que chegará o ‘Domingo de Ramos’ o domingo.
Durante a próxima semana, o xoves e o venres, as procesións percorrerán as rúas, culminando coa ‘Vixilia Solemne’ do sábado 30. O fin da programación terá o vindeiro domingo 31 de marzo coa celebración da ‘Palomiña’.
Luns con nubes e claros e choivas cara o serán
O luns será unha xornada de transición coa chegada dunha fronte pola noite. Así, teremos unha mañá de néboas en comarcas do interior que irán deixando ceos pouco nubrados, co avance da mañá irán aumentado as nubes desde o oeste, con chuvias que se irán xeneralizando...