Este xoves 29 de marzo de marzo prosegue en Outes o ciclo de conferencias-coloquio das XVIII Xornadas de Información Sociosanitaria. O ciclo continuará cunha sesión divulgativa centrada na presenza en Galicia do gas radon e dos recursos cos que conta a cidadanía para minimizar o impacto deste gas radioactivo moi estendido na nosa terra por mor, principalmente, da abundancia de solos graníticos. A charla será impartida polo doutor Alberto Rano Raviña. Será como dixemos este 29 de febreiro ás 18.30 horas na Casa da Cultura (Centro Social).
Curso 2023-2024
A nova edición das Xornadas Sociosanitarias de Outes celebrarase entre outubro de 2023 até maio de 2024, o último xoves de cada mes ás 18.30 horas. O programa vén composto de sete conferencias-coloquio, coordinadas polo doutor Xosé María Dios Diz.
O 21 de marzo será a quenda de Luis Mayo Suárez, que falará do Coñecemento da poboación dos efectos do radon na saúde. Luis Mayo é licenciado en Medicina e Cirurxía, amais de alumno do TFG.
O 17 de abril, Miguel Vázquez Vázquez, especialista en Xeriatría e Xerontoloxía Social e director de CALIGERS, impartirá a charla Soidade na idade adulta. Estratexias preventivas e alternativas de vida para a vellez.
As xornadas rematarán o 30 de maio, con Saúde mental: saber pedir axuda, a cargo de Rosa Cerqueiro Landín, psicóloga do Complexo Universitario de Conxo.
