Sogaps busca novas familias acolledoras no Barbanza.
Vacacións en Paz é un proxecto de acollida temporal de nenos e nenas saharauís en familias, durante os meses de xullo e agosto, que en Galiciandesenvolve Solidariedade Galega co Pobo Saharauí (SOGAPS), en colaboración co goberno da República Árabe Saharauí Democrática (RASD).
Estes nenos/as viven nos campamentos de refuxiados situados, en Tindouf, no deserto do Sáhara, en Alxeria. A súa vida transcorre en duras condicións,nprivados do máis elemental e sobrevivindo grazas á axuda internacional.
Vacacións en Paz permítelles abandonar o deserto nos meses de máis altasntemperaturas, que poden chegar ata os 50o, realizar revisións médicas,nrecibir unha alimentación rica e variada e descubrir unha cultura diferente.
Sogaps desenvolverá na comarca tres charlas informativas para dar ancoñecer o proxecto e conseguir novas familias acolledoras no Barbanza,nunha comarca na que hai longa tradición de acollemento de nenos e nenas saharauís.
As charlas programadas desenvolveranse en Ribeira, o venres 1 de marzo no Centro Cultural Lustres Rivas ás 19:30 horas, en Rianxo o sábado 2 de marzo na Aula Activa do Mar ás 12:00 horas e en Boiro o sábado 9 de marzo ás 17:00 no Centro Social.
